MAN VS WILD. - Mosquito

天氣熱左好多d賤蚊竟然出黎咬小人, 我打極都打唔死佢地, 放工買左BS驅蚊表, 掛起小人床邊, 睇下仲有無賤蚊敢針小人

可怒也~~~~~~~~~~~~

賤蚊 ß 殺殺殺殺殺殺殺殺殺 殺到你地片甲不留, 哼!!

學野進程

Lee排小人學野真係快左好多, 今朝教佢打哇哇, 佢一學就識, 真係要好好記低佢學野既進程

2~3個月開始 阿bu 阿bu 咁叫

4~5個月喊果陣識叫媽媽

6~7個月識擰頭, 轉身同坐穩,仲有開始識撩女仔

8~9個月同佢講88會揮手, 拍手掌

9~ 10個月同佢講錫錫佢會啜起個咀錫錫, 對住佢舉起1字佢會跟住舉, 仲會打娃娃, 可以按住梳化自己企到一陣,仲識叫爹爹爺爺悿

好叻呀, 要好好教佢lu         

母親節飯

今日爺爺同姑姑一早上左黎探小人, lunch仲一齊食飯,
之後我同小人,and 爹爹一齊去左公園床玩左一陣~影下相,吸下新鮮空氣,不過見到好大隻蜜蜂,媽媽嚇到跳起~

之後夜晚同小人同爺爺女麻女麻,姑姐,一齊去左紅點~喜百合食片皮鴨。好好食~下次再黎食先~

媽媽食完野帶左小人起買三文魚, 點知差d向電梯跌左小人落去,嚇到媽媽即刻賴屎,夜晚成晚都訓唔著,要食幾啖珍珠抺先訓到~驚驚~

五一勞動節~小人全面食粥啦~

五一勞動節~小人全面食返三碗粥啦~好開心~
見到小人好返好多~今朝帶左佢返教會,仲見到好多哥哥弟弟妹妹~

哥哥:晢晢,子路
弟弟:五條一,
妹妹:陶陶,子柔,美遠個囡囡~

好熱鬧~

下晝食完飯,去左德福uni 行左一轉,見到thomas 火車頭肩帶好開心,羅左上手就唔肯放底,
之後又見到米奇老鼠燈箱又唔捨得走。我諗大個佢一家會"lur" 我買玩具,到時又氧有一番激鬧啦。

27/4 ~ 29/4

仲係有痰, 又唔肯食野, 聽Emily講川貝”鄧”雪止咳, 買黎整俾小人飲先

猴棗散

諗左好耐, 又問左好多人終於決定買猴棗散俾小人食, 好多人都話食余仁生最好, 咁我就打去觀塘間余仁生問下la, 點知佢話無貨得猴棗未, 咁我問佢幾錢la, 佢話$400 有9折….. 唔係呀咁貴, 跟住我就再打去其他分行問, 有無平果隻la., 點知間間都無貨…..好辛苦先俾我樸到不過係位元堂既, 算la照買la $98/10支, 就算小人嘔左出黎都無咁肉痛…..

返去又灌藥, 出奇地小人除左喊之外,無嘔晒出黎, 好過食西藥好多, 當晚真係咳小左好多, 痰仲有不過已經無之前咁多la…..開心……

四天的復活節假~

整個復活節假期淨係服待小人一個, 灌藥à 嘔à 換3(自己+小人) à 拖地 , 大家都好辛苦 =.=”

成個禮拜都唔肯食野, 要攪好多大龍鳳先食到半碗 ~~~ 小人食野la, 你瘦左好多呀… 你想食咩姐, 媽媽帶你去超市買la…. 你話俾我知la …. 幾貴我都買嫁, 快d病好la, 爸爸媽媽帶你去食樹皮同米奇老舉玩la

P.S. 向到要讚下爸爸,哩四日基本上所有家務都係佢一個人做晒~