27/4 ~ 29/4

仲係有痰, 又唔肯食野, 聽Emily講川貝”鄧”雪止咳, 買黎整俾小人飲先

猴棗散

諗左好耐, 又問左好多人終於決定買猴棗散俾小人食, 好多人都話食余仁生最好, 咁我就打去觀塘間余仁生問下la, 點知佢話無貨得猴棗未, 咁我問佢幾錢la, 佢話$400 有9折….. 唔係呀咁貴, 跟住我就再打去其他分行問, 有無平果隻la., 點知間間都無貨…..好辛苦先俾我樸到不過係位元堂既, 算la照買la $98/10支, 就算小人嘔左出黎都無咁肉痛…..

返去又灌藥, 出奇地小人除左喊之外,無嘔晒出黎, 好過食西藥好多, 當晚真係咳小左好多, 痰仲有不過已經無之前咁多la…..開心……

四天的復活節假~

整個復活節假期淨係服待小人一個, 灌藥à 嘔à 換3(自己+小人) à 拖地 , 大家都好辛苦 =.=”

成個禮拜都唔肯食野, 要攪好多大龍鳳先食到半碗 ~~~ 小人食野la, 你瘦左好多呀… 你想食咩姐, 媽媽帶你去超市買la…. 你話俾我知la …. 幾貴我都買嫁, 快d病好la, 爸爸媽媽帶你去食樹皮同米奇老舉玩la

P.S. 向到要讚下爸爸,哩四日基本上所有家務都係佢一個人做晒~

小人又病了~仲第一次發燒悿~

小人半夜起左3次身, 其實我都習慣晒 , 一晚起10次我都試過la, 3次碎料姐, 但係當我第3次起身照顧佢既時候, 發覺小人異常地興, 心諗唔係發燒咁大獲呀, 即刻叫醒爸爸起身用耳槍射佢, 點知38.5度……

第一次面對小人發燒, 個心好亂, 因為d老人家成日話發燒處理得唔好會燒壞腦, 咁點呢 ?? 帶唔帶佢去睇急症呢?? 抱住小人到天光, 其間不斷用耳槍射住, 提防佢溫度標升, 坐坐下8點幾, 帶佢去睇醫生, 睇完坐的士去爺爺度灌藥, 見到小人狂喊心好痛…不過無計la, 食藥快d好呀~~

小人病好了~

小人終於病好啦~冇晒痰冇晒咳啦~好野~

不過由於佢病好左,d精力又返晒黎~尋晚又起左幾次身~

哈哈~咁我都寧願小人唔病~而我地辛苦d起多幾次身~

第一次睇醫生, 及第一次灌藥

由於仔仔不斷係咁咳又流鼻水,及嘔奶。

所以今日一早8點幾就同佢去睇醫生,(第一次)-

醫生話應該係病毒感染~一星期內自己都會好返。

不過都比左4支藥水我地。

但係仔仔一啖都唔肯飲, 咁唯有用暴力啦~

我同老婆一個撳手,一個張開佢個咀,用針筒灌D藥入去。

不過好快仔仔就將D藥連埋粥仔同奶 都一齊嘔晒出黎。

所以我地決定暫時唔餵藥,等佢慢慢好=,=

靖仔夜晚咳醒左好多次,仲嘔奶悿,非常心痛。